Endurreisnarnefnd Sjálfstæðisflokksins mun kynna vinnu sína í ítarlegri skýrslu, sem skiptist í nokkra hluta. Í þessum kafla skýrslunnar er fjallað um styrkleika og veikleika, ógnanir og tækifæri íslensks efnahagslífs. Fjallað er um á hvaða grunni eigi að byggja hagvöxt í framtíðinni. M.a. hvernig gildismat okkar og viðskiptasiðferði þarf að vera og hvernig við nýtum mannauð okkar. Einnig er fjallað um samkeppni sem er ein af grunnstoðum heilbrigðs atvinnulífs. Hér verða birt drög að texta í skýrsluna og notendum vefsins gefst kostur á að segja sína skoðun á.